قصه احد اقاربي مع ذلك الرجل

بســـــــــــــــــم الله الرحمن الرحيم
السلام عليكم ورحمة الله وبركاته
هذه قصه حقيقيه حدثت لخالي قبل البارح
في البدايه يقول خالي

ذهبت للمدينه لزياره احد الاقارب وافطرت عنده
ورحنا الحرم وصلينا العشاء ثم رجعنا عند صديقي للساعه الواحده ليلا
ولوجود عمل عندي في المنطقه التي اسكن فيها
قررت ان استاذن للرحيل واعود لمنطقتي
التي تبعد عن المدينه حوالي 200 كم تقريباً
سلمت علىصديقي وودعته - وبعد ما خرجت من المدينه
على طريق ينبع -- في منطقه بير الروحاء
بمحاذات جبال ورقان - شكل المكان مسكون

واذا برجل يجلس بجانبي على المقعد الامامي مرعب

نظرت له واذا به ينظر الي ثم نظرت امامي
واعدت النظرفيه مرة اخرى واذا به ينظر لي ذكرت الله عليه
وتعوذت بالله من الشيطان الرجيم - واذا به ينظر لي
بنظرات قويه ولا يبتسم - فقال لي بهذه اللهجه
لبق بجنب الطريق - قلت له ماني ملبق
قال لبق ترى انقز عيونك ياااااسااااااااتر

- قلت له انا مستعجل وديرتي بعيده
لازم اصل قبل آذان الفجر -- قال اقول لك لبق
اذا تبي عمرك - والا عمرك يروح الان
لا حول ولا قوة الابالله وش هالمصيبه اللي جاتني
يعني مالقي الا انا في الخط والناس ماشين
مافيهم اللي يدري عن حالتي في ذاك المكان وتلك اللحظه
المهم قلت الله المستعان ولبقت بجانب الخط
قال طف السياره وانزل - قلت حاظر طفيت السياره ونزلت
قال فك الشنطه - فكيت الشنطه - مره كل طلباته اوامر
ما اقدر اقوله شي - واذا فيه فرشه معي
قال نزلها وافرشها - قلت الله يستر الرجال مطول شكل عنده
علوم وسوالف - نزلت الفرشه - وفرشتها - ووقفت
قال اجلس - قلت اجلس انت قال اقول اجلس
جلست غصب عني - واخذ ينظر في لفتره ثم قال لي - انسدح
قلت هذا اللي باقي -- ماني منسدح وش عندك
قال اقول انسدح قبل اجي واسدحك بالقوه
ياساااااااااتر - وش اسوي مع هالبلوه
سميت بالرحمن وانسدحت وقلت يارب مالي غيرك
يارب فكني من شر هذا اللي يصارعني وانا مافي
يدي حيله الا اني اقول له حاضر - وانفذ كل ما يطلبه مني
حتى لا يحط جام غضبه في
فعندما انسدحت واستسلمت للامر الواقع -

قرب مني ومسح على عيوني وربط عليها
ومن تلك اللحظه اغمي علي - ودخلت في غيبوبه تامه
لما يقارب الساعه والنصف تقريباً - ثم اتي ومسح على عيوني
واذا بحالي يرثى له -- و منخلع من اللي اشوفه في نفسي
ثوبي مرفوع لعند سري -وعقالي وعمامتي كلها مرميه في الوادي
الله لا يجيب لكم مثل هذه المواقف
واذا به جالس ينظر لي ويبتسم - قلت له فرحان بوجهك هذا
من انت اخبرني -- قال انا اللي اوقف الماشي
واجلس الواقف واسدح الجالس - واغمي عليه
واجعله في غيبوبه تامه - ربما لم يعد منها للابد
قلت اعوذ بالله من الشيطان خاف الله انت وش سلطك على
قال انا اخترتك الليله - وسآتيك في ليالي قادمه
قلت وش ذا الكلام تجيني - قال نعم
والان قوم ولا اشوفك مره ثانيه
وان شفتك تمر مع هذا الطريق بالليل
سأتيك واحتمال اقضي على روحك
اخبروني هل مر على احد منكم هذا الرجل
وكيف الحل الرجل يقول راح يجيني

قبل امشي قال لي هذا الرجل
اتعرفني قلت له لا

قال انا النوم /////////// فعلاً انه النوم

اذا جاء للمسافر حتى ولو كان في عجله من امره
لابد ان يغلبه ويوقفه -- واذا ما طاوعه -- ربما يقضي عليه
ويهوي به مع الردميه -- واذا كان الرجل واقف -- قصب عنه يجلس من النوم
واذا كان جالس - يجعله يتمدد على الارض حتى لو لم يكون فيه فراش
واذا مدده على الارض - غمض عينيه واغمى عليه
حتى يشبع منه النوم -- ثم يطلق سراحه

وانتبهوا للرجل هذا تراه ما يرحم -- اذا جاء واحد منكم
وهو مسافر فلا يعانده - لانه غالبه غالبه لامحاله
وكم واحد من الناس جلس يصارعه - حتى فقد نفسه ومنهم من
فقد اولاده وزوجته ومنهم من فقد اخ وصديق عزيز

ومنهم نجي برحمة الله ولكنه فقد على الاقل سيارته

والسبب - المقاومه للنوم

يعني اذا قالك انسدح انسدح ولا تشاور ههههههههههههه
دمتم بخير
__________________

مشكوووره على الموضوع